The Spice House Restaurant

Open Now

Now Closed

呢間真係我喺港島區最鍾意嘅泰菜，雖然唔算好正宗好精美，勝在平得來好食。今次因為要歡送朋友離開香港所以就特登嚟咗呢度食，叫到成枱餸，細細間餐廳唔會趕你走有傾有講不知不覺就到打烊時間。泰式雞腳首先呢個雞腳真係幾辣食親都會流眼淚，所以永遠食晒啲雞腳就算，下面啲菜太辣會浪費左不過都冇辦法。泰式炒雜菜滿足晒我要食菜嘅要求。雞肉Pad Thai酸酸甜甜好開胃。冬陰公湯比較甜，所以覺得有啲港式，但係都係好開胃 。菠蘿海鮮炒飯有足夠菠蘿粒，不過海鮮好似真係雪藏海鮮包拆出嚟，有得食就算。椰青呢度啲椰青真係冇得彈，椰肉嫩口鮮甜。