金鳳茶餐廳

Open Now

Now Closed

講開灣仔茶餐廳應該無人唔識金鳳茶餐廳，連朋友移民前都指定話要去呢間度回味下，食下佢個沙爹牛肉麵。我每次經過都會心思思想入去，今次係星期六中午，到既時候已經有唔少人排緊隊，等左大概十五分鐘就入到啦。今次坐一人卡位，雖然個位比較窄，但舊式茶餐廳黎講佢係幾乾淨，都坐得舒服。我今次叫左個營養快餐，五香肉丁公仔麵配菠蘿包，五香肉丁好香好Juicy, 質感唔係果種罐頭味，亦唔會話太辣，配公仔麵絕對一流。個公仔麵亦係軟硬度適中，至於菠蘿包加牛油呢個配搭亦都係無得輸，雖然無另外加錢轉新鮮菠蘿油，但個包都係好好味，好有水準。話說係我食到一半既時候有雞批出爐，果種香味係令人想即刻order 一打! 可惜個肚無位再食，希望下次可以再過黎食! 推介大家去試下!