Video
Read full review
2016-09-21
3513 views
去過鰂魚涌、中環分店，今日晏晝於灣仔做野就去埋灣仔分店。3間分店既裝潢同比人既感覺都唔同。灣仔呢間裝潢帶點華麗摩登，牆上有唔少精緻既油畫，而且看得出老闆應該係喜歡小動物既人，因為每幅為人熟識既油畫中都加入左小動物，變得可愛有趣！從門口看入店內以為得幾張枱，但其實行入去亦有一處用餐既地方，有吊燈有大型擺設及語句，好摩登下！有唔少食客都好似我甘專登行入去影相呢！第一次日頭時間光顧，原來有午餐選擇，有1人餐、2人套餐、4人套餐之分。2人套餐係包12吋pizza，但我同朋友都喉痛所以唯有各點一個《1人餐 $95》包意粉（Bolognese / Carbonara)同餐飲 ,我地share食所以每樣意粉各一客。Bolognese Pasta 好多肉碎而且少肥膏，正合我意。茄味濃郁帶酸甜好開胃。意粉既軟硬度值得一讚，十分彈牙惹味，加分不少！Carbonara Pasta 好濃味可口，絕對岩晒濃味怪，因為有芝士成分所以最好襯熱食因為放涼左會比較杰身。同樣地意粉既軟硬度令整體加分！之後追加左《雞翼 $54/5隻 》- 雞翼用上黑椒調製，表面掃上蜜糖再焗香，惹味非常！雖然我地各點左朱古力咖啡做餐飲，但朋
去過鰂魚涌、中環分店，今日晏晝於灣仔做野就去埋灣仔分店。3間分店既裝潢同比人既感覺都唔同。
灣仔呢間裝潢帶點華麗摩登，牆上有唔少精緻既油畫，而且看得出老闆應該係喜歡小動物既人，因為每幅為人熟識既油畫中都加入左小動物，變得可愛有趣！
從門口看入店內以為得幾張枱，但其實行入去亦有一處用餐既地方，有吊燈有大型擺設及語句，好摩登下！有唔少食客都好似我甘專登行入去影相呢！
第一次日頭時間光顧，原來有午餐選擇，有1人餐、2人套餐、4人套餐之分。
2人套餐係包12吋pizza，但我同朋友都喉痛所以唯有各點一個《1人餐 $95》包意粉（Bolognese / Carbonara)同餐飲 ,我地share食所以每樣意粉各一客。
Bolognese Pasta 好多肉碎而且少肥膏，正合我意。茄味濃郁帶酸甜好開胃。意粉既軟硬度值得一讚，十分彈牙惹味，加分不少！
Carbonara Pasta 好濃味可口，絕對岩晒濃味怪，因為有芝士成分所以最好襯熱食因為放涼左會比較杰身。同樣地意粉既軟硬度令整體加分！
之後追加左《雞翼 $54/5隻 》- 雞翼用上黑椒調製，表面掃上蜜糖再焗香，惹味非常！
雖然我地各點左朱古力咖啡做餐飲，但朋友覺得美味配環境應該要喝點酒，所以好有情調地點左杯白酒 《Pasqua Soave DOC 2014 $65》～ 服務態度好好，令人食得開心自在。
食lunch都可以好享受既～
Post
