Video
Read full review
2023-05-07
2731 views
《Le Garçon Saigon(灣仔)》灣仔真係雲集左好多唔同國家嘅餐廳，對於我呢啲選擇困難症嘅人嚟講有話到事嘅同事做決定真係好有福。今日就由同事帶左我嚟呢間越南餐廳試一試佢😋🥗 前菜-炸豬耳木瓜沙律、春卷同事們各有唔同口味，所以叫左比較大路嘅前菜。沙律用左清爽嘅木瓜絲配左微酸嘅汁食落好開胃，豬耳炸得香口軟骨都炸到脆埋，好食！春卷係用豬肉同蝦做餡，熱辣辣上到枱點餐廳用新鮮生菜同香葉包住再點自製嘅魚露，幫餐飯開左個靚頭👍🏻🐖豬頸肉配檬粉一份豬頸肉鋪係檬粉上面，燒完切開出嚟嘅肉汁滿滿咁沾左係粉度，連埋配埋一齊啲沙律撈埋嚟食油膩感完全消失。肉質保持豬頸肉應有嘅彈性、外邊燒到焦香，咬落去嘅時候十分joicy一啲都唔乾柴👍🏻🐥海安三黃雞配飯因為有同事唔食牛，然後見到個menu有「海南」雞就頭也不回咁叫左🤣上到枱見到咦唔係油飯、無海南雞三款招牌嘅汁，就猛然醒覺左係Hai An Chicken😂不過份雞飯都不負大家所望，雖然唔係雞比位，但雞肉做得相當嫩滑，白飯配埋炸蔥非常惹味。而另一個驚喜位係佢個雞肝醬一啲都唔腥，畫龍點睛🥰Lunch menu有好多唔同combination可以選擇，先選主菜再
灣仔真係雲集左好多唔同國家嘅餐廳，對於我呢啲選擇困難症嘅人嚟講有話到事嘅同事做決定真係好有福。今日就由同事帶左我嚟呢間越南餐廳試一試佢😋
🥗 前菜-炸豬耳木瓜沙律、春卷
同事們各有唔同口味，所以叫左比較大路嘅前菜。沙律用左清爽嘅木瓜絲配左微酸嘅汁食落好開胃，豬耳炸得香口軟骨都炸到脆埋，好食！春卷係用豬肉同蝦做餡，熱辣辣上到枱點餐廳用新鮮生菜同香葉包住再點自製嘅魚露，幫餐飯開左個靚頭👍🏻
🐖豬頸肉配檬粉
一份豬頸肉鋪係檬粉上面，燒完切開出嚟嘅肉汁滿滿咁沾左係粉度，連埋配埋一齊啲沙律撈埋嚟食油膩感完全消失。肉質保持豬頸肉應有嘅彈性、外邊燒到焦香，咬落去嘅時候十分joicy一啲都唔乾柴👍🏻
🐥海安三黃雞配飯
因為有同事唔食牛，然後見到個menu有「海南」雞就頭也不回咁叫左🤣上到枱見到咦唔係油飯、無海南雞三款招牌嘅汁，就猛然醒覺左係Hai An Chicken😂不過份雞飯都不負大家所望，雖然唔係雞比位，但雞肉做得相當嫩滑，白飯配埋炸蔥非常惹味。而另一個驚喜位係佢個雞肝醬一啲都唔腥，畫龍點睛🥰
Lunch menu有好多唔同combination可以選擇，先選主菜再配飯、米紙卷、檬粉、蒜蓉包，任客人自由選擇👍🏻除此之外，呢間係寵物友好餐廳，啱哂想有埋愛寵之人，當日都有主人帶埋狗仔一同用餐。價錢算中上同埋份量相對上細份，正常食量嘅一男一女叫兩份就剛剛好。
溫馨提示：呢間餐廳係金鐘/灣仔都屬多人識嘅，所以建議大家提早訂枱同早少少到，以免排好耐先可以入座👍🏻
如果你都想試下出色嘅越南菜，記得bookmark定呢間餐廳，約埋三五知己一齊嚟試下👨👨👧👦
豬耳木瓜沙律
51 views
0 likes
0 comments
越式春卷
61 views
0 likes
0 comments
豬頸肉配檬粉
42 views
0 likes
0 comments
海安雞配飯
29 views
0 likes
0 comments
Post
