Mr. Crab by The Captain's House (Closed)

同朋友慶祝生日，呢間都係慶生首選。由門口去到上層餐廳已經好有海鮮🦞主題感～ 2個人坐4人卡位好闊落，點份$798既2人餐，已經包括散點$418三款既海鮮袋，連埋小食、main course，仲可以點2杯酒，幾抵食～ 🦞龍蝦湯，味道唔咸，香濃龍蝦味，跟埋烘過既意式麵包，酥香軟軟！🍴芝士蟹肉焗意大利燒烤菇面層鋪滿芝士，芝香惹味 啡菇大大隻，切開蟹肉脹卜卜份量足，🐙海鮮袋自選3款海鮮，點左青口、BB魷魚、海蜆配上Lemon Pepper醬汁，味道清新，有夏日感覺，開胃不膩！ 店員ShakeShake搖勻海鲜袋，開袋蒸汽充滿香氣。海鮮份量足，仲有腸仔、鮮薯、粟米配料，食材掛汁。清香檸檬味，加上胡椒提鮮效果，海鮮尤其鮮甜嫩滑，配white wine 真係prefect match 🥂🍴新英格蘭白酒海蜆扁意粉大隻海蜆，意粉直接以Pan上，面層放番紅花點缀，意粉充滿濃厚海鮮風味。麵管彈牙有質感，吸收左蜆肉咸香原味道，調配上橄欖油、蒜粒同BB茄，入口香辣惹味。