Video
Read full review
2023-02-20
29 views
每次經過灣仔，都見到修頓對面有個街市仔，但就偏偏唔知道原來上邊都有樓上菜，仲要係咁好食嘅泰菜。👏🏼👏🏼餐廳係好傳統嘅泰國餐廳，冇乜fusion菜，顯然對自己嘅食物質素非常有信心。👌先來就叫咗個噴靚咖喱海鮮，噴靚咖哩其實係由紅咖喱加埋花生椰奶熬煮而成，味道比較一般紅咖喱會甜一啲，而且醬汁會比較濃稠，最啱就係配薄餅一齊食，傳統上咖喱亦會有酸子等材料，咁啱呢度跟足傳統，所以個咖喱唔會越食越膩，保持清新的口感👍🏼👍🏼再來就係炸肉丸生菜包，肉丸外層係麵包糠，金黃香脆，內裏口感綿密，唔好睇小佢，其實佢係綿裏藏針，辣椒嘅後勁十足，令人食上癮。不得不提嘅係，醉酒佬炒豬肉碎肥粉，肥粉有啲似係外貌係河粉嘅薯粉，最令我欣賞嘅係餐廳用咗好多唔同口感嘅嘢去炒呢碟肥粉，有爽口嘅生菜，有煙韌嘅肥粉，亦有實淨嘅蘿蔔，所以食落去口感好豐富。埋尾我哋仲叫咗個燒雞，雖然準備約時間比較長，不過真係仲炭火去燒出嚟，所以味道係值回票價😋食咗咁多嘢，買單都唔使$500，講真港島嚟講，我又真係冇乜食過呢個味道呢個價錢，佢值得更多人支持🤩
餐廳係好傳統嘅泰國餐廳，冇乜fusion菜，顯然對自己嘅食物質素非常有信心。👌
先來就叫咗個噴靚咖喱海鮮，噴靚咖哩其實係由紅咖喱加埋花生椰奶熬煮而成，味道比較一般紅咖喱會甜一啲，而且醬汁會比較濃稠，最啱就係配薄餅一齊食，傳統上咖喱亦會有酸子等材料，咁啱呢度跟足傳統，所以個咖喱唔會越食越膩，保持清新的口感👍🏼👍🏼
再來就係炸肉丸生菜包，肉丸外層係麵包糠，金黃香脆，內裏口感綿密，唔好睇小佢，其實佢係綿裏藏針，辣椒嘅後勁十足，令人食上癮。
不得不提嘅係，醉酒佬炒豬肉碎肥粉，肥粉有啲似係外貌係河粉嘅薯粉，最令我欣賞嘅係餐廳用咗好多唔同口感嘅嘢去炒呢碟肥粉，有爽口嘅生菜，有煙韌嘅肥粉，亦有實淨嘅蘿蔔，所以食落去口感好豐富。
埋尾我哋仲叫咗個燒雞，雖然準備約時間比較長，不過真係仲炭火去燒出嚟，所以味道係值回票價😋
食咗咁多嘢，買單都唔使$500，講真港島嚟講，我又真係冇乜食過呢個味道呢個價錢，佢值得更多人支持🤩
Post
