相馬日式火鍋 (Closed)

難得放假 就決定嚟食餐好嘅😎晚市120分鐘放題有兩款 一款牛一款豬🐮🐷如果想食晒兩款 就建議好似我咁 嗌美國特選牛肩胛套餐❣️另外再加錢upgrade可以任食埋日本鹿兒島黑豚肉😈都係人均三百蚊倒～～兩款肉都好高質👍🏻果然係靚豬 黑豚肉肥瘦均勻 爽口嫩滑 冇豬騷味🫶🏻牛肉同樣好嫩滑 牛味濃香～～我就揀左火鍋店唔太常見嘅泡菜湯底🌶味道酸酸辣辣～仲有好多泡菜喺入面🫶🏻好開胃 仲可以中和油膩感😋除咗兩款肉可以任食之外～仲有甜品、飲品、炸物、串燒等等 火鍋配料吧嘅野食種類都好豐富😎食肉食到滯滯地嘅話 淥下蔬菜食就啱晒🥬