Hugo Cafe

Open Now

Now Closed

Happy Friday同朋友相約喺火炭嘅Hugo Cafe， 係駿景商場嘅角落，環境幽靜。我同朋友叫左兩個set share.一個叫左daily special - 香煎鵝肝配澳洲草飼肉眼牛扒，配龍蝦濃湯。另一個就叫左烤紐西蘭羊鞍扒配蜜糖芥末汁，配是日餐湯 - 南瓜湯。是日餐湯都可以+$20轉配龍蝦濃湯~先上嘅係南瓜湯同龍蝦濃湯，南瓜湯好驚喜，綿密香甜，飲落冇渣，好香南瓜味。而龍蝦濃湯果然非常濃郁，仲有加蝦肉，味道好香濃，亦係偏厚身嘅餐湯。而餐包配蒜蓉包，味道唔會太重，可以點下湯食~主角 香煎鵝肝配澳洲草飼肉眼牛扒，牛扒要左七成熟，煎到外脆內軟，邊位焦焦地，咬落脆口，牛肉質感嫰滑，牛味香濃，油脂位咬落都唔覺肥膩，非常高水準。而鵝肝食落香滑，份量都剛好。另一主角，烤紐西蘭羊鞍扒配蜜糖芥末汁，兩件羊鞍扒份量都唔少。肉質食落都嫰滑，唔會起筋。蜜糖芥末汁食起開胃，同羊肉比較重味嘅肉類係唔錯嘅配搭。兩份主餐都配薯菜薯角食起仲熱辣，夠脆仲好大份。連埋什菇，蘆筍同豆角，中和下肉類嘅較重嘅味道。後叫飲品，我地叫左一杯ice latte同ice mocha。店員仲好細心問mocha要唔要加cream。