味火鍋 (雅仕洋樓)

想同朋友邊傾邊食無限制，去尖沙咀呢間《味火鍋》的確不錯的選擇👍🏻呢個火鍋五部曲嘅套餐，不但可以任飲任食之外，重無時間限制，最長可以食足7小時，性價比超高✨✨！第一部：精選頭盤四選一味火鍋佛跳牆～超足料，有齊螺頭、元貝、花膠、鮑魚等等．．．大大碗湯味濃郁，飲得出夠晒火候👍🏻芝士焗波士頓龍蝦～芝士味香濃，龍蝦鉗超多肉！第二部：自選湯底十款湯底選擇，鴛鴦湯底都唔需要另外收費，至愛中間位置有一個清湯，淥青菜一流！第三部：皇牌火鍋拼盤皇牌時令海鮮拼盤～大隻又新鮮，重有自家製手打丸，夠哂彈牙👍🏻！美國安格斯牛肉拼盤～手切牛小排、牛肩胛、牛板鍵，賣相好靚絕不馬虎！第四部：任食超過二十款火鍋配料！第五部：任飲支裝汽水、啤酒和雪糕！