相馬日式火鍋 (Closed)

約朋友相聚，喺沙田商業中心食火鍋放題，餐廳雖然主打火鍋，但係仲有好多其他唔同嘅食物，不論係火鍋，熟食，雞煲，海鮮蒸鍋等等。我哋今次就食一個晚市120分鐘放題。都已經非常夠食。最欣賞佢呢度啲燒物和炸物，🔆燒菠蘿🍍，清甜多汁。🔆燒粟米🌽，飽滿又甜。🔆燒翠玉瓜，爽脆又多汁。🔆燒蝦，大隻又彈牙🔆豬肉串燒，牛肉串燒，雞肉串燒，啖啖肉沙嗲味十足🔆金菇肥牛，韭菜肥牛，有菜又有牛夾埋一串，雙重滋味。〽️炸物方面就有各種丸類，芝士丸，牛丸，墨魚丸。〽️仲有炸春卷，〽️炸薯餅等等。火鍋我哋嗌咗一個豬骨湯和中華辣湯，因為炸物和燒物都食咗好多肉，所以火鍋主攻海鮮類。大蝦🦐，蜆，青口，蟹柳，螺等等。