Video
Read full review
2023-01-22
258 views
朋友介紹啲間火鍋店，話好抵食，所以都專登過嚟試吓。店舖位於旺角亞皆老街，正正在朗豪坊隔離非常就腳。餐廳佔全層面積非常大，更設有VIP房，裝潢都不錯，整潔衛生。晚市火鍋燒烤放題有兩款價錢，分別在於一款係安格斯肩胛肥牛，貴少少就有美國SRF黑毛和牛，當然選擇SRF啦☺️。平日價錢只係$308，除咗打邊爐，仲有雞煲，仲有得燒烤，又有刺身又有海鮮，真係勁過kinda出奇蛋😂 食放題可以一次過食咁多唔同種類嘅嘢真係好大賣點👍🏻👍🏻飲品都係任飲，種類都幾多，更設有自家製飲品，都幾好飲👍🏻職員先上個刺身拼盤，種類都幾多，有螺、魷魚、八爪魚、泰式生蝦、三文魚等等，質素絕對合格，幾啲個價錢仲有刺身食係bonus😆好快就上埋個雞煲，份量2個人啱啱好，我哋點咗中辣，味道非常惹味，炒得夠香而雞肉鮮嫩，出色👍🏻👍🏻。職員話唔夠食可以再叫多個添！ 不過都係留返個肚食其他嘢啦😅另外餐廳亦會送上一碟和牛拼黑豚肉，淨係睇個樣就知靚，個人就覺得比較適合邊爐。打邊爐我哋揀咗沙爹湯底，味道都幾濃郁，仲有加到花生醬，非常惹味！火鍋食材有好多選擇，全部都係用QR code落單。此外仲會送上一碟海鮮，有帶子、青口、蜆、魚塊，質素就普
晚市火鍋燒烤放題有兩款價錢，分別在於一款係安格斯肩胛肥牛，貴少少就有美國SRF黑毛和牛，當然選擇SRF啦☺️。平日價錢只係$308，除咗打邊爐，仲有雞煲，仲有得燒烤，又有刺身又有海鮮，真係勁過kinda出奇蛋😂 食放題可以一次過食咁多唔同種類嘅嘢真係好大賣點👍🏻👍🏻飲品都係任飲，種類都幾多，更設有自家製飲品，都幾好飲👍🏻
職員先上個刺身拼盤，種類都幾多，有螺、魷魚、八爪魚、泰式生蝦、三文魚等等，質素絕對合格，幾啲個價錢仲有刺身食係bonus😆
好快就上埋個雞煲，份量2個人啱啱好，我哋點咗中辣，味道非常惹味，炒得夠香而雞肉鮮嫩，出色👍🏻👍🏻。職員話唔夠食可以再叫多個添！ 不過都係留返個肚食其他嘢啦😅
另外餐廳亦會送上一碟和牛拼黑豚肉，淨係睇個樣就知靚，個人就覺得比較適合邊爐。
打邊爐我哋揀咗沙爹湯底，味道都幾濃郁，仲有加到花生醬，非常惹味！
火鍋食材有好多選擇，全部都係用QR code落單。此外仲會送上一碟海鮮，有帶子、青口、蜆、魚塊，質素就普普通通。
重點推介當然係SRF黑毛和牛，油花均勻，鮮甜有牛味。另外西班牙黑豚肉都唔錯，肥瘦適中有鮮甜豬肉味。
佢嘅鯪魚滑、蝦滑同埋手打牛肉丸都好正，必試推介。
仲有海蝦都新鮮甜美。仲有好多其他火鍋配料質素都okay的。
至於燒肉方面，款式就唔係好多，最大問題係個爐係平板鍋而唔係網燒，所以好容易黐底，亦容易燶，所以我都冇花太多時間在燒肉方面😅 我見有啲食客直頭一開始就唔要燒肉，專注火鍋😆
P.S. 仲可以叫小食如麻辣豬耳、陳醋貓耳朵、椒鹽雞軟骨等等，味道都唔錯！
最後一人一杯movenpick 雪糕作結尾，滿足😁
總結：3百幾蚊，食材種類多，質素亦okay，真係非常抵食！ 而且有個重點：離座同截單係同一個時間，即係話坐到最後一刻都仲可以落單。而「夠鐘係唔會趕你走」😳😳 我哋最後坐咗兩個半鐘先自己走，啲樣真係冇得頂！ 建議大家唔好揀多人時間去，咁就可以食耐啲啦😈😈
Post
