Dining Kitchen Vegi (Closed)

約左朋友銅鑼灣食飯，想揾個靜少少的地方，方便吹水，朋友提議去左Dining Kitchen Vegi. 係一間結合西日既餐廳，環境寧靜舒適，以黑灰為主，格調感覺幾grand.一坐低見到枱墊非一般鋪頭用紙，而係富有東南亞風情既木織枱墊及杯墊，心裏暗地加左分。我地叫左本日小鍋，試左豬肉鍋，湯底係麵豉加七味粉，忍唔住試左啖湯，有麵豉既香滑加白菜既甜，仲有七味粉既微辣，當然少不免滑嘟嘟豆腐及各界款菇類，而主角豬內，肥瘦適中，薄薄一片，口感比牛肉更正。值得一提係加左皇帝菜，增加香味及感觀。另外叫左海蝦雜錦蔬菜天婦羅，除左蝦之外，蔬菜種類繁多，蓮藕，冬茹，蕃薯，南瓜，茄子，翠肉瓜，四季豆，粟米仔，本人只中二四季豆，完全冇諗過甘好味，薄薄既粉包住爽翠四季豆，加上即制仲出煙既特制醬汁，直情欲罷不能，而且附近上海鹽，大家大妨一試。最後叫左個明太子雜菇鰻魚飯，飯粒分明，中間夾雜明太子以及菇類，有別其他鋪頭，將鰻魚切粒一齊炒，而係原塊放面，成碟感覺更加為高級，啖啖肥美鰻魚先叫享受。值得一提係呢度好多要同品種酒，大家可以叫返杯，慢慢食慢慢品嚐。