究極堂 (蜆殼街)

Open Now

Now Closed

前排同老闆喺炮台山見客，成功傾到單生意，所以佢話帶我喺附近食日本嘢慶祝下喎！佢左帶我黎「究極堂」，位於炮台山地鐵站附近，非常方便。餐廳裝修幾有居酒屋嘅風味，環境幾闊落，坐得好舒服！老闆話佢上次嚟食過，佢覺得呢度嘅卷物好出色，所以就叫咗兩款：四重芝士炸蝦卷：芝士味好香濃，裏面嘅炸蝦非常彈牙，而且賣相好吸引，果然係好正嘅卷物！黑松露牛油果軟殼蟹卷：我好鍾意食炸軟殼蟹，而呢份卷物就將軟殼蟹發揮到淋漓盡致，配合埋牛油果，令到口感更加有層次！忌廉薯餅：細細份，炸得好香脆，係小食嘅好選擇！粟米汁焗牛油帆立貝：由於即叫即做嘅關係，需要等比較耐，但係等待都係值得嘅，因為啲帆立貝好鮮甜，而且真係好香嘅粟米味，正！和風炒雜菜：健康之選，唔會好油，而且都有好幾款蔬菜一齊炒。蟹棒壽司係老闆叫嘅，佢話都唔錯！迷你鰻魚飯拼牛肉烏冬：份量啱啱好，鰻魚飯個汁好惹味。牛肉烏冬嘅牛味十足，烏冬麵都幾彈牙。