2派克雞排

Open Now

Now Closed

呢間炸雞店一直都試，因為見好多食評話炸得好juicy ， 外脆內嫩，係出名嘅台灣過江龍炸雞店。但見到佢個雞扒份量好似好大，所以一直都未有機會試。近期炸塊做緊優惠，+$1可以多半份，所以就買咗份同屋企人一齊試吓。但係份量不多，半塊大概有6粒。 佢係炸完之後再剪細塊粒，最後係兜仔入面加粉攪勻再入袋。但係可以食落炸得出邊勁乾勁硬，中間又鞋又唔Juicy。而且中間厚肉嘅部份，都係冇乜味粉，冇乜味。我揀咗開枱粉，同埋麻辣粉，海苔粉味道一般，海苔味唔算太出。麻辣味好少少，有辣味，但係麻味太突出，有少少甜味。喂，不過味粉都挽回咗啲分數，起碼唔會想揼咗成袋雞。由於知道香港做食肆太困難，所以都唔會俾太低分，未至於太難食，都可以接受。但係個人而言，一試可以，再試就免。