丸亀製麵 (荃灣廣場)

Open Now

Now Closed

由細食到大的日本烏冬，麵質粗度都適中，配合唔同的湯底，感覺好多選擇！有時唔太餓又可以食中size, 加一兩件炸物份量啱啱好！今次試釜揚烏冬，店員再三提醒湯是清水😅當然知道，是沾汁食嗎～朋友鍾意濃味，點了辣肉碎豚湯烏冬！。每次去到夾炸物嘅時候都有選擇困難症，好多款都想食！但一次食太多炸嘢又會好飽又熱氣，所以千挑萬選揀了炸蝦餅和咖喱薯餅，試啲之前未食過嘅，其實炸番薯都好好食！呢間店嘅炸物真係好新鮮，次次都好脆又冇油益味，蝦餅入邊有一粒粒嘅蝦仁，多層口感，雖然蝦味唔算香濃，但係炸粉好薄，入面嘅調味都適中。咖喱薯餅都好好味有香濃嘅咖喱味外脆內軟，熱辣辣，正！另外仲點左關東煮但係款式太少，只揀了一舊大根，但湯底比其他牛丸染污左，所以味道好奇怪，蘿蔔仲要係苦嘅，可以唔洗試！