Layback Cafe & Bar (Closed)

朋友一聚上左依間尖咀就腳cafe 晚飯，環境寧靜，傾計食飯唔錯，食物好味價錢OK。CHILL 小食拼盤 $118小食大堆頭，炸物炸得乾脆唔油。沙律菜新鮮，紫薯餅甜美，炸天婦羅蝦炸粉薄香口，炸蠔鮮甜多汁，菠蘿釀雞翼大大粒雞肉嫩，炸一口芝士外脆內軟好香芝士味。蒜蓉芝士焗紐西蘭青口 $108青口大粒肥美，芝士加蒜蓉有少少咸，但仍不失美味。自家製南瓜汁天婦羅蝦什菌意大利飯 $128南瓜汁好creamy，飯粒索晒汁口感黏而不軟硬中帶稔。加了什菌爽彈口感。炸天婦羅蝦炸粉薄香口。薄荷朱古力咖啡 $52甜美可口，薄荷味突出，好飲。OREO 朱古力沙冰 $58賣相靚仔可惜多冰，朱古力不濃。