炊豕店 (加路連山道) (Closed)

好驚食炸豬扒會太乾，所以揀咗肉燥汁。塊豬扒真係好大塊，仲要係炸粉唔算厚，外皮炸到非常之脆，肉就好厚肉，都好嫩，60幾蚊一碗嘅價錢10分公道。蔥油豬扒都好好食，一開始食會好惹味，食得多我驚會油消化唔到，適合重口味人士。肉操汁就啱啱好。椒鹽魷魚鬚都好好味，直頭超出我嘅預期，完全對比起豬扒唔會遜色，同樣炸得好香脆，配合埋個酸酸地嘅汁，味道一流。$38唔算貴，可以試下。由於份量多既關係，食咗一半既飯已經好飽，另一半留返第二日食都得，雖然炸皮已經唔脆，但都好好食，食個豬扒嘅味道已經好夠。唔怪得咁多人嚟食，10分推薦。唯一唔好係地方比較細，同隔離坐得好近，出面又有人等，會有少少趕住食既感覺。