Video
Read full review
2020-11-16
27 views
之前聽聞soho區有間出名低卡飲品，一直好想試下，唔洗下下飲出門個啲手搖飲品變糖尿病肥仔。今日就慕名而來呢間「munchies」！入面裝修係簡約風，以白色為主，令人好精神。呢到有主食炸雞漢堡同雞翼，套餐可加薯格同飲品。食薯格漢堡緊係用手食，呢到提供埋消毒濕紙巾同手套，疫情之下都食得好安心。今次我就叫左combo B，有漢堡、薯格同飲品。呢個係黑松露蛋黃醬炸雞漢堡，一放低個下已經好大陣黑松露味，即刻流晒口水！雞扒好脆，大大塊，入面鮮嫩多汁。不過主角都係黑松露蛋黃，食落好出蛋黃醬味，黑松露味無聞上去咁濃烈，但都食得出，成個包都係陣味，落料好足唔孤寒。薯格大大盤，即叫即炸，極之脆身，唔會炸完放係到等到淋晒，咸味都夠，唔洗茄汁都好正。呢杯係龍珠果梳打，成杯只係大約60卡！呢到飲品全部都係人工鮮製，甜味都係來自果糖，所以卡路里好低。飲落好清新水果味，配炸野食，balance返成餐唔會好油膩，正！
之前聽聞soho區有間出名低卡飲品，一直好想試下，唔洗下下飲出門個啲手搖飲品變糖尿病肥仔。今日就慕名而來呢間「munchies」！
入面裝修係簡約風，以白色為主，令人好精神。
呢到有主食炸雞漢堡同雞翼，套餐可加薯格同飲品。
食薯格漢堡緊係用手食，呢到提供埋消毒濕紙巾同手套，疫情之下都食得好安心。
今次我就叫左combo B，有漢堡、薯格同飲品。
呢個係黑松露蛋黃醬炸雞漢堡，一放低個下已經好大陣黑松露味，即刻流晒口水！雞扒好脆，大大塊，入面鮮嫩多汁。不過主角都係黑松露蛋黃，食落好出蛋黃醬味，黑松露味無聞上去咁濃烈，但都食得出，成個包都係陣味，落料好足唔孤寒。
薯格大大盤，即叫即炸，極之脆身，唔會炸完放係到等到淋晒，咸味都夠，唔洗茄汁都好正。
呢杯係龍珠果梳打，成杯只係大約60卡！呢到飲品全部都係人工鮮製，甜味都係來自果糖，所以卡路里好低。飲落好清新水果味，配炸野食，balance返成餐唔會好油膩，正！
Post
