Video
Read full review
2021-03-30
3132 views
Sabatini係一間唔會令人失望嘅餐廳。因疫情關係，brunch雖然好多嘢都無限添加，但就唔再係自助餐咁自己去拎。侍應會由頭盤開始每樣食物俾啲你試，試啱可以叫佢再上。麵包係自家製嘅必定好食嘅，但就要小心唔好食太多，否則食唔到之後嘅嘢喇；仲有，枱面放咗陳醋同olive oil，想搽牛油可以問侍應攞。頭盤有蟹腳、龍蝦、火腿加蜜瓜，同埋有啲其他青椒藜麥沙律咁上下嘅嘢。龍蝦好一般，蟹腳唔會死咸，鮮甜有海水味，肉都多，所以要添食啦。仲有個火腿都係另一個精選嚟，咸香配上極甜蜜瓜，人間美食.... 頭盤可以無限添加嘅。跟住侍應會上一人一罐魚子醬，可以配麵包籃入面嘅多士食，咸香好好味.....餐廳中間有廚師即場整食物，可以出去點餐，煮好侍應會送過去你枱度俾你。有湯、牛他他（必食）、黑松露炒蛋（必試）同其他燒物..... 唔怕食生牛肉嘅就必食牛他他，牛味濃而且加埋啲調味勁好食；要供生食嘅牛一定係靚牛肉先可以咁樣上，所以必定係食到好嘢。黑松露炒蛋炒得嫩滑，而且蛋香同黑松露不嬲都係好夾嘅，鍾意黑松露就一定要試吓。Pasta ok，好味嘅但比起其他嘢就無咁吸引，要留肚就唔好添食喇。主菜無得無限添嘅，有羊、
麵包係自家製嘅必定好食嘅，但就要小心唔好食太多，否則食唔到之後嘅嘢喇；仲有，枱面放咗陳醋同olive oil，想搽牛油可以問侍應攞。
頭盤有蟹腳、龍蝦、火腿加蜜瓜，同埋有啲其他青椒藜麥沙律咁上下嘅嘢。龍蝦好一般，蟹腳唔會死咸，鮮甜有海水味，肉都多，所以要添食啦。仲有個火腿都係另一個精選嚟，咸香配上極甜蜜瓜，人間美食.... 頭盤可以無限添加嘅。
跟住侍應會上一人一罐魚子醬，可以配麵包籃入面嘅多士食，咸香好好味.....
餐廳中間有廚師即場整食物，可以出去點餐，煮好侍應會送過去你枱度俾你。有湯、牛他他（必食）、黑松露炒蛋（必試）同其他燒物..... 唔怕食生牛肉嘅就必食牛他他，牛味濃而且加埋啲調味勁好食；要供生食嘅牛一定係靚牛肉先可以咁樣上，所以必定係食到好嘢。黑松露炒蛋炒得嫩滑，而且蛋香同黑松露不嬲都係好夾嘅，鍾意黑松露就一定要試吓。
Pasta ok，好味嘅但比起其他嘢就無咁吸引，要留肚就唔好添食喇。
主菜無得無限添嘅，有羊、牛（要加錢）同魚揀。極力推食medium嘅羊，因為真係做得十分出色。羊肉好嫩好嫩好嫩.... 有羊味.... 加錢叫嘅牛扒，廚師上菜時會拎3舊黑松露响你面前即場刨，好慷慨俾好多黑松露你，直頭係全塊牛扒俾佢遮晒.... 試過牛同羊之後，我都係覺得唔使加錢嘅羊好食啲.....
甜品有4款，4款都好味。餐包每人一杯果汁同餐飲，酒店啲咖啡都好好飲。
食完飯仲可以落佢餅店買全宇宙最好食嘅蝴蝶酥.... 咁成餐飯就完滿喇.....
麵包（自家製）
21 views
1 likes
0 comments
海鮮頭盤
24 views
0 likes
0 comments
Pasta
90 views
0 likes
0 comments
羊架（超好食）
30 views
0 likes
0 comments
黑松露牛扒
31 views
0 likes
0 comments
牛他他
40 views
0 likes
0 comments
黑松路炒蛋
31 views
0 likes
0 comments
甜品
31 views
0 likes
0 comments
魚子醬
25 views
0 likes
0 comments
Post
