Video
Read full review
2016-03-15
1211 views
十年如一日賣既都係獨孤幾味，魚蛋魚片炸魚皮粉麵，縱使味道強差人意、劣評如潮，但依舊客似雲來 ﹗不變既定律，幾十年 lunch 都依舊人山人海、人頭擁擁，要等好耐先有得食呢 ﹗好采我一個人好快就搵到位喇。塞到水泄不通，仲要好多人企係度等位呢，咩日子咁巴閉呀 ﹗見到隔離鴻基茶水檔有個位，唔理咁多叫份雞扒多士食住等啦，呵呵。雞扒多士再黎兩碗鴛鴦，唔係好過份啫，大滿足！魚蛋鴛鴦走蔥，洪記哥哥姐姐好耐無見喇，出品越來越差喎。雖然香噴噴呈上，但湯底無咩味道，清淡如水。辣椒油不香不辣，淨油又無渣，非常淡口。魚片腍劈劈又鞋烚烚，白淨魚蛋結實還可以，兩者還免強保持微弱魚味道！雖然唔多好食，都唔算難食，普普通通可接受。湯底無變，只係變得較水汪汪、較清淡。辣椒油無變，只係無以前咁香辣啫。魚蛋魚片變晒，又乾鞋又腍劈劈，魚味中帶點腥味。炸魚皮最穩定，我最愛留到最尾先食，可以索更多湯更濕潤，無咁硬又無咁咸，剛剛好，夠香口。炸魚皮浸湯半硬半脆、一咸一淡都幾好食。熟麵跟河粉正常，熱辣辣嚥韌熟麵夾住滑溜河粉再淋上辣椒油及豉油都幾可口既。魚蛋麵走蔥，湯底依舊偏淡，幸好還有一絲絲既甜味。辣椒油混上豉油讓熟麵盡情地打滾，再大
魚蛋鴛鴦走蔥，洪記哥哥姐姐好耐無見喇，出品越來越差喎。雖然香噴噴呈上，但湯底無咩味道，清淡如水。辣椒油不香不辣，淨油又無渣，非常淡口。魚片腍劈劈又鞋烚烚，白淨魚蛋結實還可以，兩者還免強保持微弱魚味道！雖然唔多好食，都唔算難食，普普通通可接受。湯底無變，只係變得較水汪汪、較清淡。辣椒油無變，只係無以前咁香辣啫。魚蛋魚片變晒，又乾鞋又腍劈劈，魚味中帶點腥味。
炸魚皮最穩定，我最愛留到最尾先食，可以索更多湯更濕潤，無咁硬又無咁咸，剛剛好，夠香口。炸魚皮浸湯半硬半脆、一咸一淡都幾好食。熟麵跟河粉正常，熱辣辣嚥韌熟麵夾住滑溜河粉再淋上辣椒油及豉油都幾可口既。
魚蛋麵走蔥，湯底依舊偏淡，幸好還有一絲絲既甜味。辣椒油混上豉油讓熟麵盡情地打滾，再大力啜入口中，微辣夾住咸香衝擊味覺及嗅覺，好滿意。魚蛋異常地鞋口又激咸，非常霸道既門鱔味道，打魚蛋時比例搞錯左？失手乎？魚片都唔好得幾多，同出一徹，除左鞋仲腍劈劈呢。份量超細，只夠我夾兩啖，食兩碗免強頂到下肚，最高記錄要食 5 碗先夠飽呢 ﹗
魚蛋河走蔥，好明顯河粉湯底比熟麵湯底淺色好多，所以味道都淡好多。唔洗驚，有豉油、有辣油，一定無問題 ﹗河粉棉滑淡口，連米香都唔多感覺到，無有怕 ﹗每一口都搭上大量辣椒加豉油，滑嘟嘟跣入口又唔錯喎。魚蛋魚片跟剛才一樣鞋咸乾柴，炸魚皮保持水準香脆味濃硬屈屈，要浸浸湯減低一點咸度、乾化一點再食，好味 ﹗
淨蛋片走蔥，今次真係預計錯誤啦，一麵一河一淨蛋片。估唔到魚蛋魚片會差到如此田地，剛才硬食左兩碗，依家仲有個淨餸都要頂硬上啦 ﹗唔想浪費，求其倒晒落肚算，食之無味。
話晒由幼稚園、小學、中學食到依家；由廣福道鐵皮街市、運頭街臨時街市、市政街市食到依家，幾十年童年回憶，點捨得呢？兒時情意結，就算依家質數麻麻、味道大跌、份量太細、等等，點都好，間中都會返黎回味一翻。幼稚園細細個既時候阿爸阿媽已經常帶我黎食鴛鴦粉麵，早餐或 lunch 都會幫襯，我喜歡食辣都係由洪記帶甜辣椒油開始。
魚蛋鴛鴦走蔥
46 views
0 likes
0 comments
魚蛋鴛鴦走蔥
51 views
0 likes
0 comments
魚蛋麵走蔥
54 views
0 likes
0 comments
魚蛋河走蔥
52 views
0 likes
0 comments
淨蛋片走蔥
50 views
0 likes
0 comments
魚蛋鴛鴦走蔥
38 views
0 likes
0 comments
魚蛋鴛鴦走蔥
41 views
0 likes
0 comments
Post
