Video
Read full review
2024-06-25
75 views
之前👧🏻留意到位於長沙灣嘅韓式燒肉店 - 會長之家烤肉 有一個幾抵食嘅燒肉Set，不過前往當日店員就告知而家已經冇提供該套餐😞。不過一場嚟到，就試下佢地嘅特色食物！餐廳嘅裝潢幾有特色，有唔少韓國復古傢俱及擺設，大飽眼福😍！🌟韓式燒鰻魚（4件）燒鰻魚可以揀唔同份量，兩個人食4件就岩岩好！鰻魚肥美厚肉，一咬時有唔少魚油咇出嚟，店員將魚皮燒至香脆。而魚肉亦燒至金黃，不過要提醒大家鰻魚有幼骨，要小心慢慢食！另外餐廳亦有提供原條燒鰻魚半價優惠，3人或以上訂座和用餐前至少一日預訂，就可以以$288食到原條燒鰻魚！🌟招牌牛油熟成厚切豬五花牛油熟成厚切豬五花係用咗熟成21日嘅濟洲黑毛豬，肉質完全唔韌，熟成後幾柔軟但保留到肉汁。加上用咗牛油嚟熟成同燒肉，牛油香氣撲鼻！🌟美國極佳牛頸脊一客4件嘅牛頸脊，牛肉紋路均勻，簡簡單單用鹽嚟點綴，就突出到牛肉肉香同油脂感。🌟石鍋拌飯食燒肉就緊係要食返少少澱粉質落肚，石鍋拌飯有齊冬菇、翠玉瓜、大豆芽、紅蘿蔔、泡菜同雞肉，落埋韓式拌飯醬，熱辣辣又幾惹味！
🌟韓式燒鰻魚（4件）
燒鰻魚可以揀唔同份量，兩個人食4件就岩岩好！鰻魚肥美厚肉，一咬時有唔少魚油咇出嚟，店員將魚皮燒至香脆。而魚肉亦燒至金黃，不過要提醒大家鰻魚有幼骨，要小心慢慢食！另外餐廳亦有提供原條燒鰻魚半價優惠，3人或以上訂座和用餐前至少一日預訂，就可以以$288食到原條燒鰻魚！
🌟招牌牛油熟成厚切豬五花
牛油熟成厚切豬五花係用咗熟成21日嘅濟洲黑毛豬，肉質完全唔韌，熟成後幾柔軟但保留到肉汁。加上用咗牛油嚟熟成同燒肉，牛油香氣撲鼻！
🌟美國極佳牛頸脊
一客4件嘅牛頸脊，牛肉紋路均勻，簡簡單單用鹽嚟點綴，就突出到牛肉肉香同油脂感。
🌟石鍋拌飯
食燒肉就緊係要食返少少澱粉質落肚，石鍋拌飯有齊冬菇、翠玉瓜、大豆芽、紅蘿蔔、泡菜同雞肉，落埋韓式拌飯醬，熱辣辣又幾惹味！
Post
