Gyutan Toku牛舌專門店

Open Now

Now Closed

睇到網上好多人推介，同埋openrice都好多好評，就嚟試吓，平日夜晚7點嚟到，唔洗排隊，都幾多位，食食下就滿座了。我哋兩個餐都叫咗雙倍份量，即係12塊，原來係咁飽，牛舌都幾大塊，又夠厚肉，食四五塊已經好飽，淨低嘅打包咗返屋企第二日帶飯(叮返熱都好好食完全唔硬)。極上牛舌定食2倍$298薄燒牛舌定食2倍$298定食有埋茶碗蒸、麵豉湯、沙律、白飯，都幾大碗，食得好飽。牛舌好香，好厚肉，好有口感，但係唔會咬唔開，亦唔會太肥咬唔到，而且牛舌味超濃。唐揚墨魚$78都幾好食，爽口彈牙。另外叫咗串燒鹽燒白鱔$58個皮好脆，肉彈牙，多汁，鱔味香，有少少骨但可以食到。服務都好好，我哋張2人枱擺唔到咁多野，就幫我哋攞走堆醬汁，攞走之前都有問我哋要唔要倒埋先。