金金日式燒肉店

Open Now

Now Closed

銅鑼灣真係有好多間林林總總唔同類型嘅燒肉店，網上見到呢間金金日式燒肉評價唔錯，就上咗嚟一試！第一碟係前菜，日式雞軟骨餃子🥟餃子嘅size比想像中大好多，呢個價錢真係性價比好高！一咬落去餃子入面嘅湯汁全部爆曬出嚟，非常Juicy。餐廳燒爐火勢好好，尤其係燒肉嘅時候完全體會到！我哋分別叫做人氣必點口，鹽燒厚切鹽燒牛舌，同壹漬牛肋骨肉，餐廳調號嘅醬汁非常好味，同牛肋骨肉好夾，火爐又唔會因為醬汁，而令到牛肋骨冇咁容易熟，另外牛舌都非常入味！燒嘢食又點少得野菜，香草牛油燒大蘑菇，餐廳仲好睇貼有一個錫紙小兜，店員亦都好貼心同我哋講先燒好蘑菇，再將燒好嘅蘑菇放入小兜同牛油攪拌，咁樣燒出嚟嘅牛油蘑菇會更加入味，又唔怕生！