阿爺燒鵝餐室 (Closed)

晏晝同媽咪兩個人經過阿爺燒鵝餐室時，見到店內仲有兩個位，於是即刻入去坐低在睇餐牌，點知兩母女都叫咗個常餐。常餐有叉燒湯意粉配火腿炒蛋及牛油多士，而我哋都唔要多士，改要方包，餐飲揀熱檸水，估唔到常餐嘅叉燒份量都唔少，而且真係好好味，肥瘦適中，意粉湯底又唔會鹹，炒蛋又夠滑，方包又夠厚，真係比我預期中好食嘅常餐，仲要只係$38，簡直好味兼抵食！夜晚返屋企專登去買燒鵝返去加餸，因只有兩個人食，所以只買咗下庒$138，返到屋企打開個盒，已經聞到好香嘅燒鵝味，加埋梅子醬食，真係好食，仲有店內職員態度都唔錯，餐廳都好乾淨，夜晚仲見到個男人企門口，服務態度簡直一流，相信係老闆，難怪間舖成日都咁多食客。