紅螞蟻 (Closed)

14/11 我地一行六人揀左這間飯店開餐喇，一心諗住吃疏乎厘同埋心太軟.....我地叫左個2人餐 $188炸大腸 - 好柴皮，好un、差豬仔骨 - 好食呀，好嫩口蟹籽滑蛋花枝海蝦火燘飯 - 正，好多餸花枝片好多又鮮甜。煙肉蛋義粉 - 賣相超醜陋，好似d初學者煮咁；好心唔好擺出黎啦，咁都上得碟。軟殼蟹 - 一碟兩隻，好鬆化，好好正，多肉又多膏蜜汁銀雪魚飯 - 有兩塊魚，飯粒帶乾身同硬身。茄汁蘆筍帶子義大利粉 - 好少餸，蘆筍苦既，帶子超細粒，唔好食。雞茸長春卷 - 正常啦豬扒麵 - 麵好食，豬扒好多不過係鞋既。諗住叫跟餐叫疏乎厘同埋心太軟，點知個服務員話個焗爐壞左呀，所以無疏乎厘同埋心太軟賣.....不過就可以叫焗布甸喎，吓...唔係卦；好心傷呀~~~果刻勁down囉，有d衝動想即係走呀。不過地方就好寬闊，好企理；服務員態度好好。我同皇子6點50分入座不過7點30先齊人同落order，佢地無催催貢又無比面色我地睇，好好呀。