Video
Read full review
2021-03-07
3759 views
自己一向都幾鍾意嚟呢度食越南菜，尤其係佢嘅越式牛油焗大蝦頭🍤，今次同朋友嚟食，我哋叫咗一份午餐，另外再叫咗一份牛油大蝦頭。買單計每人都係百零蚊左右，特別想提一提嘅係，呢到店員服務都非常好。一坐低嘅時候，餐廳準備嘅餐具都非常完備，絕對好似已經知道我哋會來食海鮮一樣。特別欣賞佢嘅係會為我哋準備消毒濕紙巾，真係任何時候都用得着。我哋落單，叫咗個生牛肉湯粉，$59，包一杯飲品，咁我哋就叫咗滴漏咖啡，因為始終係越南餐廳，梗係要叫番啲有越南特色嘅飲品。咖啡一嚟到嘅時候，就會見到佢一個好熱嘅鐵壼，面有咖啡慢慢咁樣滴出嚟，而下面就厚厚的一層煉奶。一路滴嘅時候，香氣慢慢滲出嚟，咖啡係好苦嘅，但有咗煉奶之後，就溫和好多。由於我鍾意飲凍飲，所以餐廳亦都另外加咗個冰底俾我。生牛肉河粉送上黎，我可以講，我最鍾意嘅除咗係佢嘅牛肉之外，牛肉非常嫩口，係有牛味，冇雪藏味。仲好鍾意佢個湯底，甜甜嘅牛骨湯，令到成碗牛肉河粉嘅質素昇華左，飲落去嘅時候，絕對唔會感覺係一碗味精湯。河粉亦都非常高質素，條條分明。之後就到重頭戲，牛油焗大蝦頭，$228，我有一個好深嘅印象就係一嚟到嘅時候，全部人都望住我個牛油焗大頭蝦。我估背後個原
一坐低嘅時候，餐廳準備嘅餐具都非常完備，絕對好似已經知道我哋會來食海鮮一樣。特別欣賞佢嘅係會為我哋準備消毒濕紙巾，真係任何時候都用得着。
我哋落單，叫咗個生牛肉湯粉，$59，包一杯飲品，咁我哋就叫咗滴漏咖啡，因為始終係越南餐廳，梗係要叫番啲有越南特色嘅飲品。
咖啡一嚟到嘅時候，就會見到佢一個好熱嘅鐵壼，面有咖啡慢慢咁樣滴出嚟，而下面就厚厚的一層煉奶。
一路滴嘅時候，香氣慢慢滲出嚟，咖啡係好苦嘅，但有咗煉奶之後，就溫和好多。由於我鍾意飲凍飲，所以餐廳亦都另外加咗個冰底俾我。
生牛肉河粉送上黎，我可以講，我最鍾意嘅除咗係佢嘅牛肉之外，牛肉非常嫩口，係有牛味，冇雪藏味。仲好鍾意佢個湯底，甜甜嘅牛骨湯，令到成碗牛肉河粉嘅質素昇華左，飲落去嘅時候，絕對唔會感覺係一碗味精湯。
河粉亦都非常高質素，條條分明。
之後就到重頭戲，牛油焗大蝦頭，$228，我有一個好深嘅印象就係一嚟到嘅時候，全部人都望住我個牛油焗大頭蝦。
我估背後個原因係因為，因為佢一嚟嘅時候真係好香，而且亦都好大份，特別欣賞廚師嘅心機，佢將成個大蝦頭夾唔同部份都整得非常香脆，而且牛油味非常香濃，連啲肉都係起晒腸，細心。食落去嘅時候，蝦嘅肉非常之彈牙，好有肌肉。而且我仲一定要反覆去撈啲牛油🧈，更加好味。
最後食完呢未咁重口味嘅菜，我梗係要飲返杯熱檸茶來消滯啦。
Post
