鮮芋仙 (黃埔天地)

Open Now

Now Closed

鮮芋仙早排黎香港嗰陣好hit,上次銅鑼灣店排左二三十人等唔到，今次下午時份黎到黃埔店竟然無乜人。叫左個招牌芋圓2號，有啲失望，碗就大，但配料份量就唔算多(張相係用左匙羹兜起啲餸先影到)，$45黎講芋圓都算比得孤寒。紅豆沙底，有芋圓，薏仁，蕃薯，珍珠。蕃薯好甜，薏仁同珍珠都甜既不過就好淋，芋圓都食到有蕃薯芋頭味，有嚼勁。 但就似係紅豆沙湯入面加左配料咁，食到最後覺得有啲甜，要飲水朗朗口。作為芋圓芋泥控，呢種紅豆湯底我都係麻麻，下次都係食返牛奶仙草類。都係芋頭牛奶岩我多啲。