616牛肉火鍋專門店 (彌敦道)

Open Now

Now Closed

4隻扇貝（單點$96），食落有一絲絲嘅口感，味道鮮甜，不過略嫌肉嘅部分太少、太瘦。酸菜湯底（單點$78），內有酸菜、辣椒、青花椒、香蔥，味道酸辣，飲落好惹味。加拿大艾伯塔牛側胸肉（單點$58），肉質軟腍，牛味濃厚。肩胛翼板（單點$48），因為有筋位，食落肉質腍中帶脆。牛駝峰（單點$48），帶有細筋，油脂味香。竹笙（單點$48），口感爽滑，食落充滿湯汁。泰酸化骨爪（單點$38），有D失望，無骨鳳爪口感爽脆，但略嫌泰式鳳爪應有嘅酸、辣味都欠奉，整體味道偏甜、微酸、無辣，配料有青椒、辣椒、青瓜。水蓮菜（單點$28），口感幼嫩，食落好新鮮。鮮製手打烏冬（單點$18），麵條比較幼身，所以食落唔似平時嘅烏冬咁煙韌，但容易掛湯。醬料（兩人$20），包括有秘製牛肉汁、陳醋、辣椒油、牛油豉油、沙茶醬、炸蒜、指天椒、蒜蓉、柑桔、蔥花、芫荽，依間餐廳嘅指天椒真係好香，打開蓋嗰陣D辣椒香味即刻香氣撲鼻，如果唔鍾意辣椒粒或唔食得辣，可以用匙羹𢳂辣椒汁都已經夠辣味。菊花桂圓露（兩枝$32），選用菊花、桂圓、杞子、冰糖，菊花味道最突出，飲落好清甜。