Video
Read full review
2023-08-17
804 views
喺K11 Musea呢一間「Gontran Cherrier」嘅牛角包🥐係我心目中係頭三甲，我最鍾意食嘅係原味，次次去到都大排長龍，從來都冇食過隔籬嗰間餐廳，都係佢哋出品，係同一間公司，只係一邊係餐廳，另一邊係麵包店。有一日心血來潮去咗食晚餐，恐怖嘅事情就係咁發生⋯⋯ 去到間餐廳嘅時候只係得一張枱有人，坐咗兩男一女嘈到爆😤果晚我就選擇咗一客洋蔥湯、黑松露忌廉雜菌意大利粉、雪糕牛角窩夫。牛角窩夫配牛奶軟雪糕 - 個名其實我唔係好記得，大致上係咁樣😅，牛角窩夫應該好多人都食過，真心講，我會覺得正常牛角包好食過牛角窩夫，雪糕就係普通牛奶軟雪糕，又唔重奶味，唔係好甜，正常到都唔知講乜。黑松露忌廉雜菌意大利粉 - 好多菇，黑松露忌廉醬，意大利粉有啲似⋯⋯粗麵，係呀！你冇睇錯，好似我哋食雲吞麵嗰啲粗麵，我自己真係覺得麻麻哋，不過叫做碟嘢係熱㗎囉。法式洋蔥湯配四重芝士包 - 呢個好似係佢嘅真正嘅名，我見佢係個Menu度都係極力推薦，佢個湯最貼心係做到一樣嘢，唔會燙親你個嘴，因為個湯只係有少少暖，呢個溫度我本人好唔接受，點會有個湯唔係熱！（我又唔係飲凍湯）味道係OK嘅，但係個湯唔夠熱就大大扣分。嗰日連
牛角窩夫配牛奶軟雪糕 - 個名其實我唔係好記得，大致上係咁樣😅，牛角窩夫應該好多人都食過，真心講，我會覺得正常牛角包好食過牛角窩夫，雪糕就係普通牛奶軟雪糕，又唔重奶味，唔係好甜，正常到都唔知講乜。
黑松露忌廉雜菌意大利粉 - 好多菇，黑松露忌廉醬，意大利粉有啲似⋯⋯粗麵，係呀！你冇睇錯，好似我哋食雲吞麵嗰啲粗麵，我自己真係覺得麻麻哋，不過叫做碟嘢係熱㗎囉。
法式洋蔥湯配四重芝士包 - 呢個好似係佢嘅真正嘅名，我見佢係個Menu度都係極力推薦，佢個湯最貼心係做到一樣嘢，唔會燙親你個嘴，因為個湯只係有少少暖，呢個溫度我本人好唔接受，點會有個湯唔係熱！（我又唔係飲凍湯）味道係OK嘅，但係個湯唔夠熱就大大扣分。
嗰日連埋我哋總共有三張枱，服務員攞湯嚟嘅時候，我發現冇比匙羹，但係我想搵個服務員攞都好難，佢哋好似好忙咁⋯⋯到咗上甜品，我同佢講可唔可以俾嗰啲新嘅餐具我哋，佢叫我等等（不過比我嘅感覺好似嫌我煩咁）佢都算好快手，快到就咁將啲刀叉一嘢咁劈喺枱🍴…… 🌚你問我會唔會有下次，一定冇可能。
Post
