龍門客棧

Open Now

Now Closed

呢日weekend同朋友去左大埔踩單車，我地踩單車之前就醫飽個肚先，我地搵左一間新開既餐廳食車仔麵。呢間餐廳既環境都唔錯，其他地方好少有咁舒服既地方食車仔麵。佢呢度既餸菜全部都係每日新鮮製造，用料亦都好好，貴精不貴多。我同朋友一人點左一碗車仔麵。佢呢度既湯底係用左自家煲既骨湯，無落味精，飲落去清清地，唔會好似出面啲車仔麵咁死鹹，好高質。朋友碗麵點左蘿蔔、牛腩、冬菇、豬皮，牛丸、豬大腸，好豐富啊，麵就揀左米線。我就點左粗麵，冬菇、雞翼、牛腩、豬大腸、豬皮、鴨血，好正。呢度既車仔醬同埋辣醬都係自家調配，好惹味。