Video
Read full review
2022-08-09
623 views
朋友邀請上公司Workshop，有少少文青feel 嘅手作仔最適合我衣d 偽文青嘅中年大媽。多年朋友卻越來越少見面，竟然要把握機會喺Workshop 前來個小飯聚及切一切蛋糕，提早say Happy Birthday to You & welcome to the Wonderful World of Motherhood 💕為咗方便大肚婆，隨意地選擇了地點方便嘅附近餐廳，book 咗位，時間有點緊迫，我地只有一個鐘頭嘅用餐時間（唔係餐廳限制，係我地趕住上Workshop)。入到餐廳，人少少，地方不大但環境舒適，我地被安排了靠落地窗位置。由於趕時間，好快我地已經決定好食咩，初時並無期望食物質素，因為 趕 時 間 。第一道小食先上，營火芝士玉米片，墨西哥玉米片上鋪上熱溶芝士+牛油果醬+碎蕃茄，熱焫焫超級可口！係食完一塊又一塊嘅節奏。2.炭燒八爪魚鍋煮野米飯🍚上盤係靚嘅，一睇係覺得好食，八爪魚鬚大大舊，鍋飯鋪滿飯素，香噴噴。手起刀落，八爪魚好腍身，但唔係霉，入口竟然可以用「軟糯」形容，唔痴牙但保持到口感，好似食緊恰到好處嘅鮑魚咁，係好正👍🏻3.烤鯖魚牛油果蒜香橄欖油意粉🍝鯖魚正常發揮，唔差
多年朋友卻越來越少見面，竟然要把握機會喺Workshop 前來個小飯聚及切一切蛋糕，提早say Happy Birthday to You & welcome to the Wonderful World of Motherhood 💕
為咗方便大肚婆，隨意地選擇了地點方便嘅附近餐廳，book 咗位，時間有點緊迫，我地只有一個鐘頭嘅用餐時間（唔係餐廳限制，係我地趕住上Workshop)。
入到餐廳，人少少，地方不大但環境舒適，我地被安排了靠落地窗位置。
由於趕時間，好快我地已經決定好食咩，初時並無期望食物質素，因為 趕 時 間 。
第一道小食先上，營火芝士玉米片，墨西哥玉米片上鋪上熱溶芝士+牛油果醬+碎蕃茄，熱焫焫超級可口！係食完一塊又一塊嘅節奏。
2.炭燒八爪魚鍋煮野米飯🍚
上盤係靚嘅，一睇係覺得好食，八爪魚鬚大大舊，鍋飯鋪滿飯素，香噴噴。
手起刀落，八爪魚好腍身，但唔係霉，入口竟然可以用「軟糯」形容，唔痴牙但保持到口感，好似食緊恰到好處嘅鮑魚咁，係好正👍🏻
3.烤鯖魚牛油果蒜香橄欖油意粉🍝
鯖魚正常發揮，唔差，但冇太大驚喜，不過意粉就有少少失望，因為頭盤同飯都好滿意，冇諗過意粉汁個味道唔夠好味。
牛油果醬有d 濕，同時食唔出有蒜香味道。
4.巴斯克蕉香芝士蛋糕🎂
一個便飯簡單得來不失少少隆重，於是order 咗個 Basque Burnt Cheesecake 當生日蛋糕，係咁易吹個蠟燭。
7點開始Workshop 但我地6:50 先叫上，係我地太低估衣間餐廳嘅認真，上枱個碟寫嘅Happy Birthday 好靚好工整，太趕嘅情況下影完相打卡就外賣帶走個蛋糕🫠
Workshop 完結我地拎返個蛋糕出黎食，其實係好味，話說我自己都整過，甜到條脷想穿窿，衣個味道啱啱好，唔漏好食！
如果有機會，我會想再黎多次，花多少少時間，試下佢其他食物，講到尾我覺得佢係間有heart 嘅餐廳👍🏻
地址：
鰂魚涌英皇道728號K11 ATELIER地下G05號舖
(港鐵鰂魚涌站C出口，步行約2分鐘）
#冇乜幾何出到咁遠 #有誠意餐廳 #可惜趕時間 #foodiehk #hkig #mommybloggers #鰂魚涌 #鰂魚涌有咩好食 #鰂魚涌餐廳
11 views
0 likes
0 comments
Post
