市川日本料理

Open Now

Now Closed

經過見佢門面套餐好貴，吖原來一般晚餐又唔算好貴喎，不過味道都唔特別標青。晚餐火炙吞拿魚腩拼雜錦壽司($188)：排位似乎唔按淡味濃味，搞到我好亂，而且完全無wasabi喺裡面，我好意外，仲講咗一句，唔係日本師傅啦，不過好在無雪味，要求突然變低咗嘅我。。。雜錦壽司嘅烏冬，口感ok，不過湯底好普通。晚餐安格斯肉眼照燒定食($165)：外子其實比較鍾意食煎到好香口嘅牛扒，所以呢種扒嘅本質已經唔係佢杯茶，所以對佢來講普普通通。另外點咗個沙律，純粹為健康。貪食再加個壽司我哋叫咗唔少嘢，但係得一張兩人枱，好逼囉！隔離熟客淨兩個係叫一個拉麵/烏冬同一個定食，有四人枱。