Video
Read full review
2011-06-02
5 views
係因為買咗而逼住去食，唔係我真係唔會再幫襯。一如上次，今次0既體驗都係感覺不良好。所以我要分開寫食評，等大家知道每次去親都無好嘢。１．唔係話早一日，已經早咗幾日打去訂星期六１２點，己經話無位，我問幾點先有，佢話三點，都無法啦，因為31/5/11到期，得返無幾日時間。收咗線，想起我都係喺搭一個站去到0既地方返工，不如平日中午食，唔想星期六唔知hea去邊，於是改27/5星期五中午12:00。２．又係無雞。次次打去都話無，就算你早一星期都係無，明顯係搵笨，根本唔係二選一，係無得揀。問佢係咪訂晒，佢無應，只係一味話無雞。我唔係話非食雞不可，問題係明知意粉唔好食，但又要去食，可否俾第二樣，呢個第二樣係應份有咖喎。咁樣呃人點得咖？３．佢嗰度分室外室內，當然室內有冷氣，室外無，佢話入面full咗（當時得一枱喺入面，一枱喺出面），不過見自己得一個，算啦，入面三張係4-6人枱，咪阻人做生意啦，而且我諗住用埋張coupon算，預咗無樣好咖啦，早有前科。４．一坐低，講咗趕時間，叫佢快啲，點知一樣超慢，隔離左右無論早過我來／遲過我來全部來晒主菜，我三催四請先來主菜意粉。佢每樣逐一上，我無問題，問題係每一樣中間
一如上次，今次0既體驗都係感覺不良好。所以我要分開寫食評，等大家知道每次去親都無好嘢。
１．唔係話早一日，已經早咗幾日打去訂星期六１２點，己經話無位，我問幾點先有，佢話三點，都無法啦，因為31/5/11到期，得返無幾日時間。收咗線，想起我都係喺搭一個站去到0既地方返工，不如平日中午食，唔想星期六唔知hea去邊，於是改27/5星期五中午12:00。
２．又係無雞。次次打去都話無，就算你早一星期都係無，明顯係搵笨，根本唔係二選一，係無得揀。問佢係咪訂晒，佢無應，只係一味話無雞。我唔係話非食雞不可，問題係明知意粉唔好食，但又要去食，可否俾第二樣，呢個第二樣係應份有咖喎。咁樣呃人點得咖？
３．佢嗰度分室外室內，當然室內有冷氣，室外無，佢話入面full咗（當時得一枱喺入面，一枱喺出面），不過見自己得一個，算啦，入面三張係4-6人枱，咪阻人做生意啦，而且我諗住用埋張coupon算，預咗無樣好咖啦，早有前科。
４．一坐低，講咗趕時間，叫佢快啲，點知一樣超慢，隔離左右無論早過我來／遲過我來全部來晒主菜，我三催四請先來主菜意粉。佢每樣逐一上，我無問題，問題係每一樣中間隔咗好多时間，我直頭可以用iphone打晒成個食評（可惜後來down機無咗）。好啦，食完沙律，我話凍檸茶同意粉一齊上，結果都係逐樣慢慢來......我只係得唔夠一個鐘食飯時間，攪到我遲到。你會話明知趕又要中午去？無法，就到期啦，又明知唔好食無理由請朋友去食啫。但又唔想嘥錢，焗去。
５．又講返食物quality：都係難食，今次沙律無苦；意粉都唔再乾爭爭，但一樣硬呱呱，又得嗰三幾條火腿絲，味道亦都唔好，我都食唔晒；檸茶無厘味道。講真，就算俾正價，其他地方$38都可以食好多嘢，包埋湯都仲得。呢度呢個餐$38都已經唔值，唔好話講正價要七八十蚊！！！
６．服務？當然都係差，話明三催四請，啲嘢都唔願來，點會好？人多嗰啲先serve ，蝦我一個人，仲要用團購coupon？
奉勸大家一句，千萬唔好幫襯人民公社，真係十級搵笨，我都諗緊去消委會告佢，雖然$38 x 4 百零蚊唔係話好多錢，問題係你做得團購，自己又offer咁0既價錢，你要做返同樣服務出來，唔係話將貨就價，咁你不如唔好賣平？何況就算話將貨就價，$38都唔止呢個服務！！！
Post
