金滬庭京川滬菜館 (Closed)

原本諗住去爵江南,點知摺左,開左另一間,食潮州野的。一心諗住食上海野,「幸好」也有另一選擇。九點幾,也坐滿七成枱,應該唔錯…..。四人吃了….唔要辣擔擔麵,麻醬味淡,湯好薄身,唔rich,這個湯,可算係求其。麵份量少,但爽口。皮蛋豆腐,Oh..No!一睇就知唔得!小籠包,皮絕對唔薄!肉汁唔鮮味,好似雪左好耐咁。醋又無薑絲。糟香小黃魚,唔熱,無煎香的活力,只勝在魚大條肉多。蒜茸炒雜菜,最怕食雜菜,好似頭頭尾尾大兜亂咁!得少少蒜茸味,同埋油味…..韮王鱔糊,出奇地多鱔,不過那個「糊」只係油份,無鱔的糊汁。鮮肉鍋貼,皮厚,肉饀死gu gu,同小籠包一樣,唔得。好似唔係咁夠食,order多兩個麵。陽春麵,是清湯上海麵,無乜特別。上海湯粗麵,就嚇親喇!原來係將成碟上海粗炒,好多椰菜、冬菇絲、肉絲,再放湯…..o係呢個飽時候,再食上海粗麵,真係痛苦!不過我覺得咁整法,比真正一個粗炒好,無咁肥膩。星期六茶芥$10/位,前菜$3/位,未食野,都收緊錢喇,太貴了。