7-Eleven Daily Cafe

Open Now

Now Closed

系無咩錢，又趕時間既時候，咁7仔常餐都系一個唔錯既選擇既~之前聽講7仔既咖啡都唔錯，所以常餐我跟左咖啡，的確又幾好，睇翻個價錢，即刻覺得都ok好飲xd講翻先，常餐就有一條司華力腸，撈麵，加星星餅。星星餅係類似魚腐咁樣，但又好似白滑過普通魚腐，星形，少少鹹味咁樣，簡簡單單幾好味。撈麵我叫左要辣味，都真係幾辣既。撈麵通常都係求求其其撈完就算，偏硬。D醬料會擺系度事前預備，所以擺左好耐，d炸蒜都已經唔脆。同埋pack比你果陣唔會幫你撈埋，等自己再撈時候已經有一部分面吸收左d醬料，所以有d地方太鹹，有d地方又無味。司華力腸都煮完擺系度好耐，乾針針，唉，如果唔系無錢/趕時間，都唔會叫呢d劣食。