滋味靚湯

Open Now

Now Closed

最近發現左呢間出既餸包同湯包都好方便，唔駛15分鐘就準備到一餐飯出黎，簡直係無飯家庭既福音！最欣賞係佢既湯包阿，平時根本冇機會有湯水飲，而家好簡單就可以有老火湯滋潤下。 🍴何首烏川芎女貞子杞子烏豆鮑魚響螺煲雞倒出黎有兩個飯碗有多，見到個質地係偏杰身，飲落好濃郁，藥材味好出，雖然係冇湯渣既，但都飲到好足料既味道，好補。 🍴四川麻辣雞中翼好好味阿呢個，雞翼有8隻，隻隻都係好飽滿有肉，味道又麻又辣，花椒味好香，辣得好爽😆。 🍴地道五香蘿蔔炆牛筋腩有蘿蔔有牛腩仲有牛筋，好豐富！肉既份量好多，全部都好入味，一定要撈埋白飯食😌，牛筋牛腩都炆得好腍，完全唔會韌。🍴正宗馬拉肉骨茶第二日自己煮左米粉配肉骨茶食，好重藥材味，睇返成分表原來有好多款藥材架，好真材實料，米粉浸落去就可以索晒d湯汁😋。肉大概有5 - 6舊，用筷子一夾就會離晒骨，又入味又啖啖肉！ 所有湯包同餸包都可以急凍存放60日咁耐，加熱即食咁方便真係要買返幾包看門口。