Video
Read full review
2021-05-19
498 views
呢篇唔係食評，因為我叫嘅soba等左45分鐘都冇得食難得假期打算好好食個lunch先再OT，結果黎左間⬛️店（白白浪費客人個幾鐘時間，order左做唔到又唔出聲，仲要發爛渣，點解唔係<黑>店？）大約12:35落單，一份carbonara udon，一份soba(brunch) ，兩杯飲品。飲品好快上，12:38我就影左相（好彩影左相，所以知道大概幾左幾耐）然後等左成半個鐘，都未有野食，同時見到隔離枱遲大嘅10分鐘入座，份三文治都到咗，我哋問個staff，過多幾分鐘先出到個carbonara，即係carbonara已經等左35分鐘已經餓到手軟，份量又唔係多，我哋仲要兩個人share。味道正常（本身味道唔差，但搞到我地心情非常差）10分鐘內整到嘅carbonara佢要35分鐘，我本來都可以當佢多單太忙，但見到兩枱遲過我哋入座都食緊，等夠45分鐘，我同staff講我已經等左45分鐘，要取消個soba，佢淨係「哦好」一句唔好意思都冇之後到埋單都好似當冇事發生過咁，我叫埋其他staff黎，話點解你哋可以食物咁耐都出唔到又唔跟又唔催，做唔到又唔出聲，要人等大半個鐘結果冇得食仲一句so
難得假期打算好好食個lunch先再OT，結果黎左間⬛️店（白白浪費客人個幾鐘時間，order左做唔到又唔出聲，仲要發爛渣，點解唔係<黑>店？）
大約12:35落單，一份carbonara udon，一份soba(brunch) ，兩杯飲品。
飲品好快上，12:38我就影左相（好彩影左相，所以知道大概幾左幾耐）
然後等左成半個鐘，都未有野食，同時見到隔離枱遲大嘅10分鐘入座，份三文治都到咗，我哋問個staff，過多幾分鐘先出到個carbonara，即係carbonara已經等左35分鐘
已經餓到手軟，份量又唔係多，我哋仲要兩個人share。味道正常（本身味道唔差，但搞到我地心情非常差）
10分鐘內整到嘅carbonara佢要35分鐘，我本來都可以當佢多單太忙，但見到兩枱遲過我哋入座都食緊，等夠45分鐘，我同staff講我已經等左45分鐘，要取消個soba，佢淨係「哦好」一句唔好意思都冇
之後到埋單都好似當冇事發生過咁，我叫埋其他staff黎，話點解你哋可以食物咁耐都出唔到又唔跟又唔催，做唔到又唔出聲，要人等大半個鐘結果冇得食仲一句sorry都冇，叫佢哋叫負責人嚟，結果佢哋走左，負責人又唔嚟
搞到我哋發火，負責人先肯嚟，仲要話因為廚房做野有唔同工序，以為咁就可以耍走我哋
佢完全唔明呢個根本唔係理由，佢自己都識得講一份食物expect 15-20分鐘出到
做得唔好又唔肯講sorry，仲要問左兩三次邊個staff喺我話要cancel都唔識講唔好意思，你做餐廳連個product都未俾到人，淨係concern某一個staff嘅表現！？
負責人想用呢啲野嚟distract我地，發覺distract唔到我哋就發爛渣話我哋唔係解決問題佢嘅工作態度同我屋企樓下嘅看更阿伯一樣咁差！！！
負責人唔話廚房有問題，唔肯承認廚房做得唔好，仲要客人去理解廚房運作，根本係負責人唔識處理，仲好意思發脾氣
我同負責人講「我去食片皮鴨，人哋講到明即叫即燒要等一個鐘，我等，冇問題。」
你唔講，我叫嘅嘢食又唔係要煮好耐好多功夫嘅嘢，都等45分鐘，仲想hea 我地幾句就算！？
好好處理咪唔洗我哋大聲講俾所有人知囉！！
再誇張啲嘅係：行到出門口有另一枱問「你地都冇得食呀？我哋等左個幾鐘，啲staff先話整唔到..」
做唔到，一係早啲同客人講，一係直接唔好做餐廳，而唔係唔出聲、浪費人哋時間、連對唔住都唔講、仲要對住個客發脾氣！
成間餐廳得一個後生仔staff係工作同服務態度正常，得佢有alert到我哋啲野食好耐都未到
等到花兒也謝了的carbonara udon
27 views
0 likes
0 comments
唔夠熱嘅抹茶latte
23 views
0 likes
0 comments
Post
