薄荷葉泰國菜

Open Now

Now Closed

餐廳主打泰國菜，有室內外位置，夜晚燈光裝飾非常吸睛，牆身亦掛住泰國飾物，好有異國風情feel。餐牌上更有特別推薦既菜式，比較少係其他泰菜餐廳見到，例如班蘭咖哩，蘇梅鴨等。叫左咖喱蟹(時價$388)，特色菠蘿飯($128)，班蘭咖哩豬肉($118)，沙嗲(半打$108)，薄餅($55)。原隻大蟹新鮮啖啖肉，好肥美，而且吸哂d咖哩醬汁。咖哩煮蔬菜，有燈籠椒，洋蔥等配料，一大盤好震撼。尼款咖哩唔辣，岩哂唔食得辣既朋友。炒飯以木桶盛載，配料有2隻大蝦，魷魚，菠蘿，大量肉鬆，腰果，提子乾，三色豆等，非常足料。每啖都食到配料。而且飯粒分明，熱辣辣上枱，桶底好深，分到約6個人既份量。尼款班蘭咖哩有陣陣香味，比起咖哩蟹既咖哩，班蘭款會甜d。豬肉煮到軟身，咖哩滲入豬肉，亦都有好多蔬菜配料烹調，豬肉超碼有10幾塊，足料。食咖哩一定要叫薄餅，配咖哩食一流。一共有4片，薄餅既酥皮好脆，一咬就好多酥皮碎跌出黎，而且厚厚地，唔怕醮完醬汁會滴出黎。沙嗲雞肉串睇得又食得，插住係玻璃杯入面，旁邊既香料，可以係食之前，拔少少灑係雞肉上面，再加沙嗲醬，果然更惹味，沙嗲醬香濃。而且雞肉燒完唔乾身，肉嫩，而且每件雞肉既size