將軍堡 (Closed)

行開荔枝角，回想起曾經係呢個地方工作過10年嘅地方，又熟悉且溫馨，我最記得食得最多嘅就係呢間將軍堡，呢間野服務員個個都係非常大聲的，而且還快手快腳，一埋位就會即刻預你諗左食咩，開頭我真係唔慣，之後慢慢就去到熟悉到連你想食咩，都被服務員諗到，完全不用動口，就幫你落左單，呢到食物唔可以話係好好味黎形容，但絕對係對得住呢個價，服務員雖然大聲，但同樣係因為佢地午市忙，同希望沒有遺漏有任何的服務。另外我覺得最好味嘅食物就係呢間餐廳的燒味飯，尤其係叉燒。