賞茶 (Closed)

朋友話呢間好飲特登行過來一試，店在九龍公園附近，街道頗為漆黑，走過頭也完全沒留意到。不知是否大風，街上人流不多，店內也無客人，看了看餐牌，點了兩杯熱飲試試。店內幾大，仲有裝修，台茶店鮮見。本來話搬遷，但續到約，都好呀，呢頭無珍珠奶茶舖。店內仲有bar枱可以坐住飲，地方真的幾大。講番兩杯茶，叫了波霸奶綠少糖（$19）同極品波霸賞奶茶無糖（$23）。奶綠好一般，有綠茶味但不强，少糖還是甜了點。賞奶茶茶好濃，奶滑，珍珠彈呀，其實幾好飲，但個茶味實在太似港式奶茶，唔似飲緊台茶，感覺怪怪的。味道中規中矩，店員服務亦一般，沒有客人的晚上難免黑面？要不是順路又想飲珍珠奶茶，應該不會特定過來了。