風雲丸 (Closed)

今日係動漫節最後一日，同朋友去完動漫節見唔洗排隊就去左試下呢間風雲丸。佢而家做緊沾麵放題！200g/300g/400g麵底都係免費既！我地叫左碗🍜400g肉盛豚骨魚介沾麵($128)，肉盛故明思義啲肉比普通麵多啲，我地叫左冷既麵底，另外加$12蚊叫左味玉🍜沾麵湯底好夠熱好濃味，麵質都彈牙，真係唔錯😋朋友仲食到燙親個咀🙊😂佢拉麵既選擇就比較少，得辣同唔辣，我地叫左個🍜辛辣豚骨魚介拉麵($93)🍜呢個辛辣拉麵真係一啲都唔辣🤔而且一啲味都冇好淡，麵質我揀左適中，結果泥到個麵好似發漲，勁冧身，一啲都唔彈牙！可能佢呢間都係食沾麵比較出色！我地仲加左份沙拉唐揚炸雞($38)🍗炸雞味道都幾好，有五舊，啲雞肉都唔嚡又大件，不過沙拉醬如果可以再多啲就好啦！都值得一試！再加多一份羽根餃子($35)🥟一客有五隻，略嫌個餃子煎得唔太脆，味道就一般。如果食沾麵既話下次我都會再黎，順帶一提，可能天氣太熱，我地坐左係門口隔離既二人位，我同朋友一路食一路出汗，要用扇一路撥住個人黎食！好彩既係佢有冰水提供😅建議大家都係揀啲比較入既位置坐，廢事食得咁辛苦😂。