叁淥火鍋 (Closed)

🐳天氣凍就最適合打邊爐，所以今晚同老公嚟到《叁淥火鍋》食餐飽。雖然呢度地點比較格攝，但成間餐廳嘅裝修都幾有特色，座位都好寬闊，食得好舒服。🐳秘製泰國椰子雞煲💰238（半隻）先黎食一個有湯嘅椰子雞煲，真係真材實料，兩大個椰青喺你面前倒入個鍋度，即刻聞到椰青嘅香，之後店員仲會幫你起埋椰肉，可以食之餘，仲可以放埋落湯底度，個湯好清甜好正。🐳胡椒蝦💰98我覺得好抵食，有六隻又大又彈牙嘅蝦，佢哋用咗新加坡炒法，好香，超級惹味，又辣又停唔到口。🐳海鮮拼盤（細）💰308兩隻大扇貝，兩隻大生蠔，烚完之後都唔會縮水，非常新鮮彈口。🐳手打蟹籽墨魚丸半份💰48第一次食有蟹籽包住嘅墨魚丸，由於係手打出嚟嘅，所以好鬆軟彈牙。🐳美國安格斯頂級牛頸脊💰268好似一個大火山，最適合影相，安格斯牛真係不同凡響，入口有即溶嘅感覺。🐳田園菇菜拼盤💰68呢個蔬菜拼盤都好抵，份量好大，蔬菜好新鮮，完全唔使點醬汁，就食到田園嘅感覺。🐳蜜桃梳打💰38🐳菠蘿特飲💰38