熺會館

Open Now

Now Closed

近排因為疫情嘅關係，都少咗出街食飯！於是我哋就喺尖沙咀既熺會館嗌咗啲小菜返屋企食！雖然係外賣，但係同堂食完全冇分別，送到屋企仲係熱辣辣！味道非常之正，簡直係一流！❤️❤️我哋叫左好多食物好豐富😍😍食咗條馳名水煮石斑！石斑非常之大條不特止！仲要係啖啖肉都好滑同好鮮甜，同辣得過癮，非常惹味開胃！👍❤️馳名生炒菠蘿咕嚕肉亦都非常之好食😋咕嚕肉大大啖啖肉，配埋啲菠蘿酸酸甜甜一齊食，同樣都係十分開胃！❤️熺會小炒王一樣炒得有鑊氣！ 菜同脆脆腰果同埋啲配料炒得出色！蝦乾嘅香氣，令到整個菜式生色不少， 層次實在太豐富，好味到停唔到口！😋😋❤️最後個鮑汁黑松露琵琶豆腐同樣好食到不得了！每啖豆腐充滿濃郁既鮑汁，淋係滑嘟嘟既豆腐上面，送飯簡直一流同絕配！🥰