Lava 燒

Open Now

Now Closed

有朋自遠方來，帶佢出去食吓好嘢招呼一下，聚下舊就最開心，近近地唔使去到太遠，太子都大把酒吧，同埋好餐廳！Lava 呢個牌子係我心目中都幾有印象，有個土瓜灣嗰間餐廳食到過來太子，比我印象都幾唔錯，今次佢開咗串燒店，又可以食飽飽，又可以飲酒，幾唔錯！地方都係坐得幾舒服嘅，今晚冇咩人，靜靜地，不過我哋自己都六七個人一台，已經夠晒氣氛！估唔到呢度串燒嘅種類咁多選擇！呢碟野出現時，大家嘅反應都係哇一聲，單係賣相同埋香味已經把我哋吸引住金菇肥牛卷係我最愛！仲叫啲燒蘆筍、同埋燒韭菜，一齊食仲正。醬汁都幾夠味，有少少甜甜地，好滋味。第二round，要在encore金菇肥牛卷，加對雞翼！雞翼燒得好透，火候掌握得好好。冬菇都幾唔錯喎！啲菇燒到林林的，裏邊有少少juicy 添呢串嘢超正，牛柳好香牛味，口感幾彈牙。食串燒，配啤酒係最佳選擇，飲支嘉士伯先。