Video
Read full review
2008-08-03
13 views
今日再次同細家姐(實實梨)出去搵食, 今次佢介紹我去尖沙咀的<伊呂波>食燒肉, 而且佢請喎, 咁更係去啦. 仲有佢仲早一日Book 定位, 確定行程順利, 真的安排周到, 攪到好似我生日咁, 哈哈!!! 1. 伊呂波定食 ($90) (+20 加大碟肉) ~ 定食包括: 牛肉一碟, 天婦羅, 刺身, 一碗白飯, 麵豉湯, 蒸蛋, 及餐後甜品 - 綠茶雪糕. 呢個定食真係好豐富呀. 牛肉正到爆, 口感一流呀, 每咬一啖, d肉都會被撕開, 正!!! 天婦羅都唔錯. 至於刺身都好正呀, 夠新鮮, 冇腥味, 仲有刺身是安排放在一杯冰上, 使刺身保持在最佳的狀態, 正正正!!! 麵豉湯都夠料, 味道唔錯. 蒸蛋就普通, 因為我唔係好like, 哈哈!!! 綠茶雪糕係我0既至愛, 味道都幾好, 因此令我想起<羽壽司>的綠茶雪糕. 1. 牛肉 + 牛舌定食 ($85) (+20 加大碟肉) ~ 定食包括: 一碟牛肉+牛舌(大約8片), 一碗白飯, 麵豉湯, 蒸蛋, 及餐後甜品 - 綠茶雪糕. 實實梨由於曾在另一間有名0既燒肉店食過, 因此覺得燒肉0既份量往往不
今日再次同細家姐(實實梨)出去搵食, 今次佢介紹我去尖沙咀的<伊呂波>食燒肉, 而且佢請喎, 咁更係去啦. 仲有佢仲早一日Book 定位, 確定行程順利, 真的安排周到, 攪到好似我生日咁, 哈哈!!!
1. 伊呂波定食 ($90) (+20 加大碟肉) ~ 定食包括: 牛肉一碟, 天婦羅, 刺身, 一碗白飯, 麵豉湯, 蒸蛋, 及餐後甜品 - 綠茶雪糕. 呢個定食真係好豐富呀. 牛肉正到爆, 口感一流呀, 每咬一啖, d肉都會被撕開, 正!!! 天婦羅都唔錯. 至於刺身都好正呀, 夠新鮮, 冇腥味, 仲有刺身是安排放在一杯冰上, 使刺身保持在最佳的狀態, 正正正!!! 麵豉湯都夠料, 味道唔錯. 蒸蛋就普通, 因為我唔係好like, 哈哈!!! 綠茶雪糕係我0既至愛, 味道都幾好, 因此令我想起<羽壽司>的綠茶雪糕.
1. 牛肉 + 牛舌定食 ($85) (+20 加大碟肉) ~ 定食包括: 一碟牛肉+牛舌(大約8片), 一碗白飯, 麵豉湯, 蒸蛋, 及餐後甜品 - 綠茶雪糕. 實實梨由於曾在另一間有名0既燒肉店食過, 因此覺得燒肉0既份量往往不會太多. 所以今次 +$20, 將燒肉分量加上. 牛肉如期望般對味, 愛吃牛舌的她, 覺得這兒的牛舌, 厚度適中,有咬口. 定食每一樣食物都做得不錯. 店內的環境亦十分舒適. 可惜的是, 想試的鹽味雪糕, 被綠茶雪糕代替了.
P.s. 燒肉配有特定0既醬汁, 我覺得最好0既效果就係燒肉和醬汁0黎一個輕輕的接觸, 味道就會最好!!! (這個只是個人喜好)
整體評價：質素0既表現!!!
Post
