柞木炭家

Open Now

Now Closed

餐廳環境好闊落，大塊玻璃可以睇到街外邊嘅境況，坐得好舒服，侍應好貼心，會主動幫我哋更換爐板，坐低已經即刻上咗前菜，仲有主打嘅泡菜，泡菜好入味，唔會好辣。青肉蜜瓜沙冰 賣相好靚，原個哈密瓜做杯上，有好多粒圓形哈密瓜，食極都仲有，水果好鮮甜，沙冰唔會太凍，感覺啱啱好，飲落甜度適中，推介！壽喜燒和牛西冷好大塊，燒嘅時候好香牛味，好易燒，好快熟透，食法好特別首先要同生雞蛋攪勻，之後再包住嗰飯波食。擔擔味噌茄子茄子份量好多，有大概8-9大大塊，混合肉碎一齊食，啲茄子吸咗擔擔味噌肉碎味，咬落仲好Juice。慶洲極上黑毛豬梅肉比較厚身嘅豬梅肉，燒好咗之後，再將邊位燒香，豐富嘅肉汁，好香肉味，唔韌！濟州活鰻魚十分推介，鰻魚好新鮮，魚皮燒出嚟好香脆，配埋鰻魚汁就更佳！和牛牛肋肉有十幾塊，脂肪比例適中，厚薄度適中，容易燒，加少少鹽更加帶出牛肋肉嘅香味。和牛三文治唔使燒即刻食得，麵包烘底香脆，和牛好厚身，口感好特別。