Video
Read full review
2015-02-27
1455 views
大多數人都響往無拘無束、安閒自得嘅生活，有時總會想著退休後嘅生活，不過，離退休之日仲好漫長，還要捱好多個年日。但喺，將工作、煩事拋諸腦後，跟老友閒閒談談，食吓飲吓，一樣可以感到逍遙自在。Bilibala結合串燒同酒吧於一身，仿如時代版嘅居酒屋，地方細細，越晏越多客，頗有氣氛。雖然只可安排坐晌吧枱，但我哋人少少，只喺三幾知己，所以，都方便傾偈。如果得兩個人嚟，心水位就一定喺近窗一排，對住夜闌人靜嘅希雲街，有種時光靜止嘅感情！雖然餐廳格局一派酒吧模樣，但餐具、器皿仍然以濃厚和風氣息為主。3:00pm-8:00pm喺「歡樂時光」，所有酒精飲品75折，怪不之得見唔少客人趁依段時間嚟摸吓酒杯底。巨峰提子梳打 $45雖然有折，但小弟一向唔多好酒，尤其食串燒，就喜歡飲梳打多過飲酒，一熱一凍，夠爽嘛。杯巨峰提子梳打粉粉哋色，淡淡提子味，夠冰涼。角玉梅酒 $88店長嘅推介，所以，朋友又膽粗粗試一杯，佢話估唔到又幾易入口，酒味唔太重，反而梅酸味突出，又帶有少少甜味。店內唔單止得串燒，食物選擇真不少，仲包括佐酒小食、沙律、多款牛肉、雞肉、豬肉、海鮮類燒物、唔少得野菜系燒物，以及一啲特色燒物，此外，計埋炸物及
Bilibala結合串燒同酒吧於一身，仿如時代版嘅居酒屋，地方細細，越晏越多客，頗有氣氛。雖然只可安排坐晌吧枱，但我哋人少少，只喺三幾知己，所以，都方便傾偈。如果得兩個人嚟，心水位就一定喺近窗一排，對住夜闌人靜嘅希雲街，有種時光靜止嘅感情！
雖然餐廳格局一派酒吧模樣，但餐具、器皿仍然以濃厚和風氣息為主。
3:00pm-8:00pm喺「歡樂時光」，所有酒精飲品75折，怪不之得見唔少客人趁依段時間嚟摸吓酒杯底。
巨峰提子梳打 $45雖然有折，但小弟一向唔多好酒，尤其食串燒，就喜歡飲梳打多過飲酒，一熱一凍，夠爽嘛。杯巨峰提子梳打粉粉哋色，淡淡提子味，夠冰涼。
巨峰提子梳打
$45
32 views
1 likes
0 comments
店長嘅推介，所以，朋友又膽粗粗試一杯，佢話估唔到又幾易入口，酒味唔太重，反而梅酸味突出，又帶有少少甜味。
店內唔單止得串燒，食物選擇真不少，仲包括佐酒小食、沙律、多款牛肉、雞肉、豬肉、海鮮類燒物、唔少得野菜系燒物，以及一啲特色燒物，此外，計埋炸物及一品料理，全部合共超過70多款，聽店長講，仲會不時推陳出新。冷日本蕃茄 $58
屬於沙律類別嘅冷日本蕃茄，似乎好多居酒屋嘅必備菜式，的確以涼凍清甜嘅日本蕃茄作為前菜，可提升一下客人嘅胃口。今次爽甜多汁嘅蕃茄唔喺配胡麻汁，而喺淋上醬油，再加少許黑松露醬，咁嘅配搭都喺第一次，效果都覺得唔錯，濃香嘅松露更突出到蕃茄嘅清甜，而且，仲有輕微芥茉味，真有趣。
冷日本蕃茄
$58
35 views
1 likes
0 comments
一個冷日本蕃茄都未夠，再嚟喺溫泉玉子沙律，沙律菜、露筍仔、車厘茄、珍珠筍配胡麻汁，正中間嘅溫泉蛋一篤開，橙黃色嘅蛋汁慢慢瀉下，令整個沙律立時變得富蛋香，爽脆滋味。
溫泉玉子沙律
$68
15 views
1 likes
0 comments
只喺灑點鹽做鹽燒，雖然肉質軟腍，肉味又不俗，不過，一客得幾粒，仲好細細粒，感覺有點不划算。
安格斯牛柳粒
$68
24 views
1 likes
0 comments
都喺牛舌啱我口味，牛舌燒得甘香，有份「炭燒」香氣，厚薄適中，一咬爽口中帶點煙韌嘅口感，牛舌獨特嘅羶香，蘸少少柚子醋仲好味。
牛舌
$40
32 views
1 likes
0 comments
大蔥雞肉 $35/串試完牛，再試吓啲雞肉，大蔥雞肉串燒得幾靚，又有少少燶邊位，但仍富肉汁，不過，反而啲大蔥有啲乾同有啲燶，味道亦唔夠香。
大蔥雞肉
$35
27 views
1 likes
0 comments
豬肉類試咗個煙肉荔枝，其實，佢哋仲有煙肉露筍（$35）及煙肉車厘茄（$28）兩款。煙肉荔枝都唔喺第一次食，我都幾鍾意依個組合，油香嘅煙肉，捲住清甜嘅荔枝，調和互補，食親都覺得好好味！
煙肉荔枝
$32
34 views
1 likes
0 comments
又喺一道油膩嘅串燒，但燒鱔嘅油香真喺寧捨唔同，肉嫩細滑，油香豐腴，而且，燒得皮脆金黃，但適宜一嚿起，兩嚿止，多吃無益。
燒白鱔
$88
48 views
1 likes
0 comments
喺時候食番啲蔬菜嘢等自己無咁「內疚」，日本青椒仔的的骰骰，一串4件，面頭又灑下唔少木魚碎。入口外皮脆脆，又幾爽口，不過，部份位置燒過籠，燶咗！
日本青椒仔
$24
56 views
1 likes
0 comments
茄子切到四四方方，有別常見到嘅長條形，師傅應該幾鍾情木魚碎，因為晌碟燒茄子又見佢灑下大量木魚碎，茄子燒得有少少乾，所以，感覺無咁好！
茄子
$22
32 views
1 likes
0 comments
成粒大綿花糖咁，個樣漲卜卜，外層一咬脆脆哋，再咬深啲，年糕烤得軟綿綿，柔韌而唔黏牙，亦食得到香濃嘅芝士味，真喺做得幾好食。
燒芝士年糕
$28
34 views
2 likes
0 comments
一邊食，就一邊講，七嘴八舌咇哩吧啦咁，時光過得飛快，又要等下餐再聚。
Post
