龍門一番川滬·紫砂燉湯 (Closed)

龍門一番川滬·紫砂燉湯 • 沙田早幾日同女朋友去咗沙田呢間餐廳滬菜，感覺價錢抵食之餘，質素都唔錯，所以推介俾大家。特別一提，依家餐廳推出特別菜式 $58嘅松葉蟹肉蟹膏小籠包(4隻)，推廣期內更可用半價就享用到！😋😋..✅ 上湯小籠包 🥟 $40小籠包皮薄，入面餡料充滿肉汁，調味做得唔錯。😛..✅ 蟲草花雕醉雞 🐔 $78醉雞好嫩滑，熟嘅程度掌握得幾好。加上花雕酒香，係一道幾好嘅小菜選擇。👍🏼..✅ 蟹粉炒飯 🍛 $88蛋炒飯做到粒粒分明，而且賣相有光澤。飯上面鋪上蟹粉醬，入而仲有幾多蟹肉，蟹粉鮮味好濃，唔錯。😛..✅ 腿茸奶油津白 🥬 $68奶油味幾香，菜亦都好嫩，食落無根，而且鮮甜。😝..✅ 糖醋魚塊 🐟 $78魚塊用咗魚柳，肉質嫩滑，而且無骨。外皮炸至香脆，加上酸甜醬汁，特別開胃，不過調味略嫌重手，但整體都唔錯👍🏼..✅ 黑糖珍珠厚鮮奶 🥛 $32鮮奶濃厚，黑糖香甜，作為一餐飯嘅點綴，非常合適。提提大家，依家留言和訂座，可即時享有88折優惠，而且更可免費成為會員(會員費價值$350)。成為會員後消費可享有9折優惠，優先訂座、半價飲品(不包括生啤類)，而且仲會定期贈送會員優惠。