Video
Read full review
2022-06-26
492 views
塔門最出名嘅就係海膽炒飯同炸墨魚丸，本來諗住試下冇咁出名嘅弓字邊海鮮，但嗰日佢哋2:00就休息，所以轉戰新漢記，另外仲叫咗哥哥推薦嘅椒鹽鮮魷🙈等咗大約5分鐘，新鮮炸起、熱辣辣嘅墨魚丸($98/20粒)就嚟到，一咬落去就會噴汁，雖然唔係粒粒都咁，但食嘅時候都要好小心🤣入邊冇一粒粒嘅墨魚(同大澳好唔同)，但勝在夠彈牙，配埋辣椒醬好惹味😋下一碟係椒鹽鮮魷($108)，賣相已經同其他餐廳唔同，粉漿好薄、魷魚好大塊、冇咩椒鹽粒粒，如果想食偏鹹嘅或者好脆口嘅可能會失望，不過大大啖肉同偏重嘅辣油味我都幾okay👍🏻最後就係海膽炒飯($138)，份量都幾大、應該有6人份，多啲人仲可以試多幾款嘢食😆不過因為我哋平時唔多食海膽，唔係好肯定熟海膽係咩味，齋試海膽都係食到蛋味，已經本身都有唔少蛋絲，對我嚟講佢係一碟好味嘅蛋炒飯😂而且炒到粒粒分明、唔會太油，一碗接一碗咁食😋我哋3個人叫3樣嘢食到好飽，好彩之後再行上山叫做消耗返啲卡路里😆
炸墨魚丸
$98
21 views
0 likes
0 comments
等咗大約5分鐘，新鮮炸起、熱辣辣嘅墨魚丸($98/20粒)就嚟到，一咬落去就會噴汁，雖然唔係粒粒都咁，但食嘅時候都要好小心🤣入邊冇一粒粒嘅墨魚(同大澳好唔同)，但勝在夠彈牙，配埋辣椒醬好惹味😋
椒鹽鮮魷
$108
17 views
0 likes
0 comments
下一碟係椒鹽鮮魷($108)，賣相已經同其他餐廳唔同，粉漿好薄、魷魚好大塊、冇咩椒鹽粒粒，如果想食偏鹹嘅或者好脆口嘅可能會失望，不過大大啖肉同偏重嘅辣油味我都幾okay👍🏻
海膽炒飯
$138
21 views
0 likes
0 comments
我哋3個人叫3樣嘢食到好飽，好彩之後再行上山叫做消耗返啲卡路里😆
Post
