老Come煎餅 (Moved) New Location

Lunch又有野攪，一個人快食，又唔算餓，就去旺中入面買下小食。見倒呢間小食店門外貼了一堆IG打卡好評，貌似好厲害，即管一試。選了雙蛋叉燒煎餅$35-睇住即叫即煎，幾有誠意。一到手，好墜手下，好實在。煎餅比crepe厚，軟身，裡面塞滿餡料，叉燒粒落得大方，半熟煎蛋都好味，估唔倒同烤鴨甜醬好夾，好惹味。喜歡蔥茜的我覺得好爽，青香十足，仲有脆片增加口感趣味。缺點要數的話就是對女仔泥講，實在太大份了，小食泥講唔算平，但好大份，值呢個價，有人share會開心d，因為食到最後膩了兼好飽，哈哈。下次再試其他味道。